(為求傳神,今日日記用廣東話打)
今日踏單車時,看到一個很似四葉草姐姐的靚女.
點知掛住睇靚女,叉錯腳.
右腳菠蘿蓋俾腳踏打中.
點知一野唔夠,之後下一段路又叉錯腳.
右腳小腿又中招,紅左一忽…..
今晚開始返工做通頂運輸,出師不利呢..
看Aoi 的日記,看到以下新聞:
杜挺豪奉子成婚顯無奈 二零零六年十一月二十二日 擇自 am730
亞視昨日舉行的記招上, 旗下藝員杜挺豪(Derek)和黃愛瑤向記者透露, 兩人將雙喜臨門, 先產子成婚, 己懷孕四個月的黃愛瑤, 在記招上笑容可掬, 但男主角杜挺豪卻一直強顏歡笑。問Derek即為人父的心, Derek竟如此回應:「無奈, 我諗人人做老竇都係咁, (你好唔開心?) 我話開心你都唔信啦! 但我媽咪、麻麻好開心。」
現場有男記者高聲表示自己做爸爸時好開心, chilam做老竇也好興奮, 問Derek點解咁無奈, Derek答:「你唔係我你點知我點諗, (當你第一時間知女友有BB, 你咩反應?) 叫佢驗清楚。」
問黃愛瑤有如此反應, 有何感受, 她說:「預o左佢咁。(你幾時預產?) 明年四月, 之後結婚。」
如果個記者寫的係真的話,真係有冇搞錯!?
從未見過呢個咁唔負責任男人,唔係…..呢個仲係男人黎既?
當你第一時間知女友有BB,你有咩反應,叫佢驗清楚!?驗埋DNA 丫笨! 呢條友咩人黎?
就算被人迫婚都係應該啦.鬼叫你搞大人個肚?HAPPY 時就咩都得,有左就呻無奈?
那個BB 真可憐,未出世就先被爸爸嫌棄.
我同AOI 看法一樣,如果我是黃愛瑤.我會獨力養大他.
無爸爸,總好過有個咁的爸爸.
現今女人,也不一定要靠男人吧?
呢D 咁的契弟,真係嫁得過?
(點解咁的契弟都可以娶到老婆既?)
又一對,不宜生育的父母.
根據我自己的食量,經過一個多月的調整,我平日的晚餐:
-一棵白菜
-一碗白飯
-約150 g 的肉(免牛/免牛豬)
呢個竟然係女仔的減肥餐單!?
唔係咁搞笑呀嘩?
Tomorrow Never Knows
私人日語課程
．自學過日文，但只是學文法，無法活用？
．日語班進度太慢，想學快些？
．想考日能試，但沒有人解釋為什麼我的答案不正確？
．身處外國，需要一個會廣東話的人去教授？
如果你有以上煩惱，我可以幫到你。
首兩個月內如有不滿，可以半額退回學費。