星期一,討厭的日本客人又來.而且有兩班日本人的事要處理.

分三個心,原來都可以……

如果我真的專心的話.

好討厭一些人,大家打份工者,見野就做唔得咩

辛苦打點好一切…….但客人放我飛機.

夜晚廠長結婚,全世界都去飲.

努力飲到醉的邊緣.

返到宿舍就訓.

所以第二朝好精神.

星期二,成間廠的高層飲到貓晒.所以早會都唔開…..

討厭客人來到,連臭串翻譯都黎.

講起呢條八婆就真係有d 好笑.

佢同我的E-mail 係用中文翻譯客人的日文原文.

個客話「爪先」有問題,佢竟然真係同我譯「爪先」!

(爪先即係指尖咁解)

真係好懷疑佢的中文能力.真係好想同佢講:你都係用日文同我講吧啦.

我日文幾差都睇得明既

但幸好在每次正被臭串翻譯插的時侯.就會被另一個客人叫走.

呢個客人又係一絕.走上去生產線數幾多貨.

明明數到有二千貨,夾硬要同個客講得一千.

就不停咁吹水,又話呢d 貨未俾人QC 過,又話D 油要乾幾個鐘先得,又話經過幾重QC 先會俾貨人….(但係我廠曾經有買玩具送剪鉗,食完的口香膠,完全冇檢查過就走貨俾客的輝煌紀錄.)

呢個客咁好人,真係有D 唔忍心呃佢.

但…..都係要吹水.

原本今日五點鐘返香港.準備今晚睇周杰倫演唱會.

點知老闆打個電話黎,我就唔走得….

可惡!

呢場演唱會,我原本約左Gloria…..

我唯有將張飛讓俾一個絕對合得來的男士-我阿哥.

唔知佢地有冇機會呢?