忽然之間想寫d 關於自己的事.
1.) 我真名叫葉兆智
2) 但係我唔係好鍾意呢個名
3) 我鍾意人叫我做葉阿智
4) 我係冇英文名,如果你硬要用英文叫我,就叫Mr.Chi啦
5) 我屋企有一個阿爸,一個阿媽(有多過一個就得人驚),一個大佬
6) 我大佬叫葉兆康.我細個果陣有懷疑過我住兆康苑係唔係因為佢.
7) 我所有的粗口,串人,鬧人全部都係得到佢的真傳.
8) 當然我的幽默感都係來自呢個人.
9) 我拍過三次拖,第一個女朋友教我點愛人.第二個教我點恨人,第三個教我點去做人.
10)我第一次鍾意人係小學四年級
11)我第一次拍拖係二十歲
12)我同第一個女朋友散的時候,我聽左一千次安靜
13)我最愛的歌手係周杰倫同陶吉吉
14)所以唱k 一定會唱佢兩個的歌
15)我勁鍾意唱k,一唱k 就咩病都好番.
16)我唱k唔鍾意solo,一定會同人一齊唱
17)我鍾意打機,最鍾意打手舞機同太鼓機.
18)會考時經常一個人打Photo Hunt.最高紀錄試過89 關
19)我試過考緊會考的時候,忍唔住出左去打機.
20)結果打完機返黎果份Paper B左,係中文的讀本問題
21)我做卷速度永遠係全班最快果個,如果有卷我做唔晒就一定冇可能有人做得完.
22)我讀過三間中學,band 1 ,band 3 ,band 5 都讀過.
23)面對環境改變係家常便飯.
24)第一,二間中學的人都已經冇咩聯絡.第三間中學的同學都仲有聯絡.
25)我身邊的朋友經常轉來轉去.小學,中學,大學也是如此.
26)甚至OD 的朋友也會轉.我試過睇番以前的od,發覺響我留言的年齡層係逐漸上升.
27)所以識新朋友, 同陌生人講野亦視作等閒
28)如果數生活中的習慣一定唔超過十個.
29)就算有習慣,都唔會keep 到兩年.
30)放假一定唔容許自己一個人hea,冇野做都要死出街.
31)有嚴重咖啡癮,一日唔飲咖啡會死
32)試過一日飲七罐咖啡
33)唔識賭,亦唔鍾意賭
34)唔識飲酒,亦唔鍾意飲酒
35)唔識食煙,但唔怕食二手煙
36)鍾意玩Magic : The Gathering,但只會同自己人打
37)鍾意填詞,但冇都靈就填唔到
38)唯一一樣叫做有一技之長的就係我識扶桑話.
39)雖然我扶桑話有二級程度,但唔係好識.
40)寫左網上日記已經有兩年幾.但由頭開始睇到而家的,好似只有阿鋒,阿雄同柔柔.
41)寫左咁耐網上日記,最難忘都係有七個人同時為我生日寫Entry.
42)我大學的時候上過兩支莊.橋棋同漫Soc.
43)大學時因SARS 全班唯一一個唔肯戴口罩而被全班杯葛
44)因此我大學的朋友都不是日文的同學.
45)好憎d 女仔唔識大體就話自己係鬼妹仔性格
46)好憎d 人做錯事唔認不特止,仲要搵d 無聊的藉口
47)好憎男人打女人
48)我發過誓唔會同女人嘈,Gloria 除外
49)我發過誓絕對唔會打女人,Gloria 除外
50)我係基督徒,但係懶得返教會
寫住咁多先啦,睇下大家的反應好唔好先決定係唔係繼續寫.
私人日語課程
．自學過日文，但只是學文法，無法活用？
．日語班進度太慢，想學快些？
．想考日能試，但沒有人解釋為什麼我的答案不正確？
．身處外國，需要一個會廣東話的人去教授？
如果你有以上煩惱，我可以幫到你。
首兩個月內如有不滿，可以半額退回學費。